MEZO
برنس المنتدى
عدد الرسائل : 630
العمر : 37
المهنه : خريج كليه التربيه الرياضيه دفعه 2008
البلد,ومنين فيها : مصر .... اسكندريه
الهوايه : الشخبطه
تاريخ التسجيل : 03/05/2007
 |  موضوع: سندريلا 2008  الثلاثاء أغسطس 12, 2008 2:17 am | |
| بعيدا عن قصه سندريلا المعروفه لازم يكون هناك تغير علشان محدش يضحك علينا
طبعا مينفعش نكون في عصر 21 ولسه في ساحره تحول الفيران لخيول والامير يعد يلف ع البنات
لا طبعا هو حيتعب نفسه
بس هناك بعد التعديلات التي طرأت علي القصه
علشان تمشي مع لغه العصر اللي احنا فيه
بس يارب تعجبكم
تدخل مرات الاب على سيندريلا في الدولاب الي بتنام فيه
مرات الاب : بت يا سندريلا اصحى يا بت كاك خابط فى نفوخك
سندريلا : اييييه يا مرات ابويا .. خمسه ببس اخطف حلم سريع بس وحقوم
مرات الاب: قومى يا بت قامت قيامتـك
وصحيت سندريلا وهى بتأفأف
مرات الاب : يـاله قومى اكنسـى وامسحى على ما نيجى
سندريلا : وانتو رايحين فين ومتزوقين كده وكل واحده عامله نيو لوك روش بقي انشاء الله
مرات الاب : رايحين حفله الامييير اللى حيختار واحده عشان يتجوزهـا
سندريلا : خدونى معاكو انا عاوزه اروح بليز بليييييييز
مرات الاب : ايه بليز دى كتك القرف وتروحى فين يا موكوسـه بلبسك المهرول ده
انا عايزه ارجع الاقى البيت بيبرق من نضافته
ومشيت مرات الاب وبناتهاالخمسة وقعدت سندريلا تعيـط وتـأوأ وا وا
وفجــأه طلعتلها الســاحره من البوتاجاز
الساحره : مالك يا سندريلا
سندريلا : كان نفسى اروح معـاهم الحفله بتاعة عمرو دياب بس لبسى مقطع
و موبايلى مفهوش كريدت(رصيد) ولابسه شبشب بصباع
الساحره : ولا يهمك
وطلعت الساحرة من جيبها الموبايل وطلبت نمرة محل البوتيك بتاع مدام لولو
عشان يـبعتو فستان وجزمه اخر موديـل
فرحت سندريلا ولبست وحطط الايشادو و الجليتر ورشت البرفان
بس الساحره قالتلها : قدامك للساعه 12 لازم ترجعى والوقت كالحبل
ان لم تقطعة ربطك وكعبلك وقعد يخنق فيكى .. انا صعيديه ودمى حامى
ومعنديش بنات تتأخر و لو اتأخرتى حترجعى زى ما كنتى بلبسك القديم
وسط الناس البيئة
سندريلا : حاضر حاضر .... اما ساحره زبالة صحيح>>شحااته وبتتشرط كمان
سندريلا بصت من البيت لقت الساحره مجهزة عربية هوندا
ركبت سندريلا وراحت ع القصـر
ولفت جمــالها كل اللى موجودين و اول ما عين الامير وقعت عليها
راح وطلب يرقص معاها و وافقــت
نظرات ... همسات .... صمــت ........ حــــب
ترررررررررن ترررررررررررن
سندريلا : دي الساحره بتدينى ميسد كول .. يا خبر الساعه 12
وقامت طالعه تجرى وقال ايه ...
وهى بتجرى فرده الجزمه اتخلعت.. و خدها الامير المعجب و نده للوزير
الامير : يا وزير تامر
الوزير : امرك مولاى
الامير : خد الجزمه دى اسحبلى صورتها اسكانر
و نزل صورتها فى كل الجرايد و ع الويب سايت بتاع قريتنـا وعلى قناة ميلودى اللى بتجيب الشلل مش بتتحدى الملل
واكتب الى صاحبه هذه الجزمه التوجهه للقصـر الملكــى فوراااااااااا
بنات كتير جدا راحو و يا سبحان الله الجزمه مجتش على مقاس حد فيهم
(ال يعنى سندريلا مقاس رجليها رجل معزه )
وبعد كده شاهدت سندريلا الاعلان عن فرده الجزمه على قناة ام بى سى تو
مع انه معملش اعلان خالص على القناة دى
وقامت بالتوجهه الى القصر وتزوجت هى والامير
وعاشو فى تبات ونبات و خلفو تؤام وشويه بنات
| |
|
لحن الحياة
قمر المنتدى
عدد الرسائل : 3059
العمر : 35
المهنه : مدربة كاراتية
البلد,ومنين فيها : alex
الهوايه : الاحلام
تاريخ التسجيل : 30/07/2008
| | موضوع: رد: سندريلا 2008 الأربعاء أغسطس 13, 2008 12:47 am | |
| ههههههههههههه
دا المفروض نعمل ايه ياعنى ؟؟؟؟؟؟؟؟؟
هههه
على العموم كويس انك وصلت للمستوى دا بس فى شويه غلطات يا فلنتينو
بس ماااااااااااشى
على العموم انا بهزر معاك وبجد دا كويس اوى
شكرااا على الحدوته الجميله دى
ههههههههههههه | |
|
MEZO
برنس المنتدى
عدد الرسائل : 630
العمر : 37
المهنه : خريج كليه التربيه الرياضيه دفعه 2008
البلد,ومنين فيها : مصر .... اسكندريه
الهوايه : الشخبطه
تاريخ التسجيل : 03/05/2007
| | موضوع: رد: سندريلا 2008 الأربعاء أغسطس 13, 2008 10:18 am | |
| المفروض انك تنامي بقي
هههههههههههههههههههههههههه | |
|
لحن الحياة
قمر المنتدى
عدد الرسائل : 3059
العمر : 35
المهنه : مدربة كاراتية
البلد,ومنين فيها : alex
الهوايه : الاحلام
تاريخ التسجيل : 30/07/2008
| | موضوع: رد: سندريلا 2008 الأربعاء أغسطس 13, 2008 6:42 pm | |
| هههههههههههه
واللهى فعلا انا روحت انام بعد ما رديت على موضوعك
ههههههههههههههههه
بس واللهى برافوا عليك | |
|
