Maro نجمة المنتدى
عدد الرسائل : 2036 العمر : 33 المهنه : طالبة البلد,ومنين فيها : الاسكندرية الهوايه : السباحة تاريخ التسجيل : 03/08/2008
| موضوع: الفرق بين شباب زمان وشباب اليوم الخميس أغسطس 28, 2008 7:53 pm | |
| *الولد داخل على باباه ياخد مصروف الاسبوع
زمان:- ممكن يقول لمامته هى تقول لباباه انه عايز المصروف لانه محرج انه يطلب كده من باباه وخايف منه. دلوقتى:- إيه يا مان احنا النهاردة كام فى الشهر ؟ انت مش هتأبجني ولا إيه حكايتك بالظبط ؟ يالا اختصر عشان معنديش وقت وصاحبي بيرنلي عشان انزل.ايه يا عم انت وقعت على ودانك وانت صغير ولا ايه ؟مش سامعني يعني ؟ :50: عايز الفلوووووووس...المونيـــــــــــــــــــــــــــــ ــى
*خروج الولد وموعد رجوعه البيت
زمان:- كان ممنوع التأخير ولو اتأخر يبقى لسبب قهري مع ابداء الاسباب والاعتذار الفوري. دلوقتي:- تلاقي الولد داخل الساعة 1 صباحاً ,باباه يقوله كويس انك متأخرتش النهاردة!!,يرد الولد تأخير ايه يا مان أنا طالع اغير هدومي ونازل تاني ,انا وكام واحد من اصحابي عندنا ماتش كده على الماشي .خش انت نام ومتقلقش وانا مش هتأخر...الاب نام وصحي ونزل يصلي الفجر وهو راجع يلاقي ابنه عند بتاع الفول بياكل !! ايه يابني انت لسه مروحتش؟ يرد الولد اهلااااا بالكبير اوى معلش بأه الماتش سخن اصله ولسه خلصان ولا ايه يا جماعة؟؟ كله يهز راسه بالموافقة وبؤه مليان اكل ,,يكمل الولد بعدين لقينا عصافير بطننا (بتنعر!!)قلنا نسدها بأه . :
*دخول الاب البيت
زمان:- يسمعوا بس صوت باباهم من بعيد كله يقوم مرعوب واللى فى ايده حاجة يسيبها ويستقبلوا باباهم على الباب ولو معاه حاجة يشيلوها عنه. دلوقتى:- الولد قاعد قدام الكمبيوتر او بيتفرج على ماتش كورة ، البنت بتتكلم فى التليفون (مش فاضيين يعملوا ايه !!) الاب على الباب بيخبط (مع العلم ان الاب ليه خبطة مميزة يعني عارفين انه اللى على الباب) الاب خبط مرة واتنين ويرن الجرس فين وفين البنت اخدت بالها ان فى حد بيخبط,,انت يابني متسيب اللي في ايدك ده وتروح تفتح لبابا,,يرد الاخ نعم هاخد اوامر منك اظن؟؟؟ ما تقومي انتى ياختي بدل الرغي اللى مالوش لازمة,,ترد نعم؟؟على الاقل انا بتكلم فى التليفون اقول ايه لصاحبتي يعني ؟؟انما انت مبتعملش حاجة ماتقوم انت ولا انت لازم تمارس دور راجل البيت وخلاص؟؟يرد ماتعدلي كلامك معايا انا اخوكي والولد هنا وكلامي لازم يتسمع...ترد على العموم بابا معاه مفتاح وتلاقيه شوية وهيفتح بيه ولا الحوجة ليك يا اخويا.
*نزول الولد لشراء احتياجات البيت
زمان:- كانت البنت المفروض متنزلش كتير والولد فى غياب الاب راجل البيت يعني يشتري كل احتياجات والدته دون تذمر! دلوقتي:- الام يطلع عينها من التحايل على الولد ينزل يجيب حاجة من البقال اللي جنبهم حتى يرد ما تخلي فلانة تنزل ماهي قاعدة ما بتعملش حاجة.الام تقوله يابني اختك المفروض ماتنزلش كتير ديه مهما كانت بنت والوقت متاخر.بنت يعني ايه؟؟العو هياكلها مثلا؟ ولا الاشكيف مستنيها؟؟ديه بنتك تخوف بلد: يابني انت المفروض راجل البيت..يرد وانتوا خليتوا فيها راجل مش طالبتم بالمساواة؟يالا اشربوا عشان تبقوا تقولوا الراجل زى الست.هى فى حاجات وحاجات لأ يعني؟؟حاجة غريبة اوي!!! | |
|
لحن الحياة قمر المنتدى
عدد الرسائل : 3059 العمر : 35 المهنه : مدربة كاراتية البلد,ومنين فيها : alex الهوايه : الاحلام تاريخ التسجيل : 30/07/2008
| موضوع: رد: الفرق بين شباب زمان وشباب اليوم الجمعة أغسطس 29, 2008 4:32 am | |
| هههههههههههههههههههه
ميه ميه يا مارو ايه الكلامدا يابنتى واللهى عندك حق هههههههههههه فى موضع انا طالع اغير هدومى ونازل ههههههههه هما طول شباب اليوم وشباب المستقبل فى نفس الوقت هههههههه بس مجهود جميل شكراااااااااااااا على مجهودك | |
|
Maro نجمة المنتدى
عدد الرسائل : 2036 العمر : 33 المهنه : طالبة البلد,ومنين فيها : الاسكندرية الهوايه : السباحة تاريخ التسجيل : 03/08/2008
| موضوع: رد: الفرق بين شباب زمان وشباب اليوم الجمعة أغسطس 29, 2008 4:44 am | |
| العفو بس هية دية الحقيقة و خصوصا فى حكاية المصروف | |
|
زائر زائر
| موضوع: رد: الفرق بين شباب زمان وشباب اليوم الإثنين يناير 19, 2009 5:24 pm | |
| اول مره أخد بالى من الموضوع ده بجد مميز |
|
ScOrPiOn صقر المنتدى
عدد الرسائل : 2216 العمر : 36 المهنه : انسان يعيش ويتعايش البلد,ومنين فيها : من بلدنا الهوايه : الشعر تاريخ التسجيل : 22/02/2007
| موضوع: رد: الفرق بين شباب زمان وشباب اليوم الإثنين يناير 19, 2009 11:20 pm | |
| | |
|
زائر زائر
| موضوع: رد: الفرق بين شباب زمان وشباب اليوم الثلاثاء يناير 20, 2009 1:39 am | |
| هههههههههههههههههههههههههههههههههههههههه بجد هوه موضوع جميل بس اانا مش بقدر ابص فى عين بابا وانا بكلمه فى اى موضوع والله دى الحقيقه بس الكلام الى انتى بتقوليه هوه الغالب فى الشباب برافو عليكى |
|
زائر زائر
| موضوع: رد: الفرق بين شباب زمان وشباب اليوم الأربعاء يناير 21, 2009 12:38 pm | |
| |
|
زائر زائر
| موضوع: رد: الفرق بين شباب زمان وشباب اليوم السبت فبراير 14, 2009 2:15 am | |
| واللة مأقدرش افتى فى الموضوع دا بس هو الغالب |
|