قصيدة الشاعر أحمد فؤاد نجم (( جيفارا مات موتة الرجال ))
كاتب الموضوع
رسالة
ScOrPiOn صقر المنتدى
عدد الرسائل : 2216 العمر : 36 المهنه : انسان يعيش ويتعايش البلد,ومنين فيها : من بلدنا الهوايه : الشعر تاريخ التسجيل : 22/02/2007
موضوع: قصيدة الشاعر أحمد فؤاد نجم (( جيفارا مات موتة الرجال )) الإثنين يناير 19, 2009 3:49 am
ارجو قرأة هذه القصيدة بتمعن والنظر الى ما يرمى اليه
الشاعر من وراء الابيات
صرخة جيفاراقصيدة الشاعر أحمد فؤاد نجم جيفارا مات موتة الرجالجيفارا مات جيفارا مات اخر خبر فى الراديوهات وفى الكنايس والجوامع وفى الحواري والشوارع وع القهاوي وع البارات جيفارا مات واتمد حبل الدردشه والتعليقات
مات المناضل المثال ياميت خسارة على الرجال مات الجدع فوق مدفعة جوه الغابات جسد نضالة بمصرعه ومن سكات لا طبالين يفرقعوا ولا اعلانات ما رايكم دام عزكم ياانتيكات يا غرقانين فى المأكولات والملبوسات يا دافيانين ومولعين الدفايات يا محفلطين يا ملمعين ياجيمسنات ( جمع لاسم جيمس بوند بالدارجة المصرية ) يا بتوع نضال اخر زمن فى العوامات ما رايكم دام عزكم جيفارا مات لاطنطنة ولا شنشنه ولا اعلامات واستعلامات
** عينى عليه ساعه القضا من غير رفاقه تودعه يطلع انينه للفضا يزعق ولا مين يسمعه يمكن صرخ من الالم من لسعه النار ف الحشا يمكن ضحك او ابتسم او ارتعش او انتشى يمكن لفظ اخر نفس كلمه وادع لجل الجياع يمكن وصيه للى حاضنين القضيه فى الصراع صور كتير ملو الخيال والف مليون احتمال لكن اكيد اكيد اكيد ولاجدال جيفارا مات موتة رجال
ياشغالين ومحرومين يا مسلسلين رجلين وراس خلاص خلاص مالكوش خلاص غير بالبنادق والرصاص دا منطق العصر السعيد عصر الزنوج والامريكان الكلمه للنار والحديد والعدل اخرس او جبان صرخه جيفار يا عبيد في اى موطن او مكان مافيش بديل مافيش مناص يا تجهزوا جيش الخلاص يا تقولوا على العالم خلاص
القاهرة 1968 القصيدة للشاعر أحمد فؤاد نجم وهى شعر بالعامية
قصيدة الشاعر أحمد فؤاد نجم (( جيفارا مات موتة الرجال ))